Di daxuyaniya MKG’ê de hate bibîrxistin ku Nûjiyan Erhan di 3’ê Adara 2017’an de li bajarokê Xanesorê yê Şengalê dema nûçe dişopand bû hedefa êrişa Pêşmergeyên Roj ên PDK’ê ve, fîşek li serê wê ket û di 22’ê Adarê de jiyana xwe ji dest da.
Di daxuyaniyê de hate ragihandin ku Nûjiyan Erhan êrîşên li dijî Êzidiyan û hovîtiya ku li wan hate kirin ji cîhanê re radigihan û bi taybetî dibû dengê jinên Êzidî.
MKG’ê diyar kir ku nûçegihaniya Nûjiyan Erhan ne tenê şahidî bû, di heman demê de berpirsyariya ragihandina dengê gel û jinan bû.
MKG’ê qetilkirina Nûjiyan Erhan weke êrîşa li dijî rojnamevanî, jinan û heqîqetê pênase kir û ragihand ku li gel zextan jî wê li ser şopa wê bimeşin.
Di daxuyaniyê de hate gotin, “Me Nûjiyan Erhan ji bîr nekir, em ê nedin jibîrkirin. Heqîqet nayê kuştin.”
