Komîteya Rêveber a Tevgera Şoreşê ya Yekbûyî ya Gelan (HBDH) di daxuyaniya xwe de, ev tişt diyar kirin:
“Kizildere; qutbûna ji bûrjuva, navê têkoşîna li dijî faşîzmê ye.
Kizildere; ruhê têkoşîna Şoreşa Yekbûyî ye.
Kizildere; berxwedana li dijî teslîmiyetê ye.
Kizildere; hevrêtî û şoreşgerî ye.
Kizildere; fedekariya ji bo doza hevpar e.
Kizildere; îdîaya şoreşgerî û rewşa şênber a şoreşgeriya fedayî ye.
Di sala 53’yan a Kizildereyê de ji bo afirênerên hevrêtiya fedekar…
Li Gundê Kizildere yê girêdayî Tokat/Nîksarê 30’ê Adara 1972’yan ji kadroyên pêşeng ên Tevgera Şoreşgeriyê ya Tirkiyeyê Mahîr Çayan û 10 şoreşger di mala ku ji aliyê hêzên dewleta faşîst ve hatî dorpêçkirin de, berxwedaneke mezin raber kirin û bûn nemir. Li Kizildere qetilkirina 10 şoreşgeran, piştî darbeya faşîst a 1972’yan dewama êrîşên stratejîk a tasfiyekirina tevgera şoreşgerî ya Tirkiyeyê ye. Li dijî îdamkirina Denîzan bi pêşengiya Mahîr Çayan 8 kadro û şervanên THKP-C û 2 yên THKO li Kizildere berxwedan hate raberkirin. Ev berxwedan û çalakî li dijî êrîşa tasfiyeyê, bersiva şoreşgeriyê ye. Em vê berxwedanê car din silav dikin. Em ê xwedî li fedekariya têkoşîna Şoreşa Yekbûyî ya 10 hevrêyên xwe derbikevin û soza xwe ya ji bo bîranîna wan, bilind dikin.
Ji bo fêmkirin û jiyankirina dîroka berxwedana şehîdên Kizildere, divê têkoşîna Şoreşa Yekbûyî li her qadê were mezinkirin. Ruhê berxwedanê yê Kizildere, nabe ku ji 71 şoreşgeran qut bê nirxandin. Pêşengên tevgera 71 şoreşgeran, 68 tevgerên ciwanan û tevgera civakî rabûn ser piyan û pêşengî ji têkoşînê re kirin. Armanc diyar e. Li dijî faşîzm û kapîtalîzmê, tacîdarkirina serketina têkoşîna şoreşê ye.
Mahîran, Denîzan û Kaypakkayayan ji kadroyên pêşeng ên tevgera 71 şoreşgeran bûn. Bêyî rêbertiya şoreşgeriyê, ti şoreş nagihije armanca xwe. Rêbertiya şoreşgeriyê ji bo pêşketina şoreşê, neçarî ye.
Îro ji Stenbol heta Enqereyê, ji Eskîşehîr heta Sinopê li gelek bajaran serhildana gel-ciwanan mezin bûye, berxwedanê sînor derbas kirine û li ser rotayeke şoreşgeriyê pêş dikeve ku ev yek bi rêbertiyeke şoreşgerî pêk tê.
Ruhê berxwedanê yê Kizildere divê pêşengiyê ji çalakiyên azadiyê re bike. Divê berxwedana li dijî faşîzma AKP’ê bilind bike.
Em Mahîr Çayan û 10 hevrêyên şoreşger ên ku me li Kizildere oxirê nemiriyê kirin, bi bîr tînin û soz didin ku heta dawiyê xwedî li dîroka wan a berxwedanê derbikevin.”
