Cenazeyê şervanê QSD‘ê Egîd Efrîn (Mihemed Ebdo El Ebdo) yê ku 18‘ê Çileya îsal (2026) li Reqayê şehîd bibû, îro bi merasîmekê li Pakrewangeha Şehîd Delîl Sarûxan hat veşartin.
Merasîm ji aliyê Meclisa Malbatên Şehîdan a Qamişloyê ve bi beşdariya şêniyên bajêr, nûnerên saziyên sivîl û hêzên leşkerî hat birêxistinkirin.
Piştî deqeya rêzgirtinê endama Meclisa Malbatên Şehîdan Fatima El Casim axivî.
Fatima di axaftina xwe de sersaxî ji malbata şehîd Egîd de re xwest û got: “Şehadet pileya herî bilind e. Tenê ew kesên ku canê xwe ji bo parastina welat û nirxên azadiyê feda dikin, vê pileyê bi dest dixin.”
Fatima da zanîn ku şehîd rêya azadiyê ronî dikin û soza şopandina rêya şehîdan da.
Endamê Kongreya Îslama Demokratîk Şêx Omer El Hemîd jî anî ziman ku şehîd Egîd yek ji lehengên ku canê xwe ji bo parastina azadî, rûmet û nirxên aştiyê feda kiriye.
Şêx Omer El Hemîd got, keda şehîdan bingeha avakirina civaka bi rûmet e û soza domandina rêya şehîdan da.
Piştî axaftinan wesîqeya şehîd Egîd Efrîn hat xwendin û radestî malbata wî hat kirin. Cenazeyê şehîd bi berzkirina dirûşmên “Şehîd namirin” veşartin.
