Li gorî SOHR’ê 64 şervanên Druzî û 28 sivîlên Durzî hatin kuştin. Hate ragihandin ku ji sivîlên hatin kuştin 21 kes ji aliyê hêzên hikumetê ve bi rengekî bêdaraz hatin înfazkirin.
Her wiha ji hêzên ewlekariyê yên ser bi hikumeta demkî 138 kes û ji êrîşkarên Bedewî yên bi wan re tevdigerin 18 kes hatin kuştin.
ÎSRAÎL: DEST JI SUWÊDAYÊ BERDIN, JI BAJÊR VEKIŞIN
Di vê navberê de Wezîrê Parastinê yê Îsraîlê Israel Katz roja Çarşemê daxuyaniyek da û ji rêveberiya Sûriyeyê xwest ku dest ji Suwêdayê berdin ku piraniya şêniyên wê Durzî ne û hêzên xwe ji vî bajarî vekişînin.
Di daxuyaniya wezaretê de hate gotin, “Weke ku me bi eşkere got û hişyar kir, Îsraîl wê Durziyên li Sûriyeyê neterikîne û ‘polîtîkaya xalîkirina ji leşkeriyê’ bi cih bîne ku piştî hilweşîna Beşar Esad ji bo başûrê vî welatî ragihand.”
Li gorî daxuyaniyê, artêşa Îsraîlê eger “peyam neyê wergirtin wê nerazîbûna xwe ya li hemberî rejîmê giran bike.”
