Tevî ku cezayên girtiyan qediyaye jî, berdana nêzîkî 50 girtiyên ku di nav wan de nexweşên giran jî hene, ji aliyê Lijneya Îdare û Çavdêriyê ya girtîgehê ve bi hincetên “bê bingeh” û keyfî bi mehan e tê astengkirin.
Li gorî agahiyên ku girtiyê bi navê Murat Çetinkaya bi telefonê re malbata xwe re parve kir, hefteya borî 7 girtiyên din ên ku cezayê wan qediyane derketin pêşberî desteyê, lê bêyî ku ti hinceteke zelal diyar bikin, berdana wan hat astengkirin. Çetinkaya diyar kir ku girtiyê bi navê Ahmet Emin Eren li dijî biryarê dest bi greva birçîbûnê kiriye.
