Dadgeha Temyîzê ya Parîsê li gel biryara xwe ya 17’ê Tîrmeha 2025’an, tehliyekirina aktîvîstê Libnanî George Ibrahim Abdallah erê kir.
George Ibrahim Abdallah ê ji aliyê alîgirên xwe ve weke ‘’kevintirîn girtiyê siyasî yê Fransayê’’ tê pênsasekirin, ji sala 1999’an ve ye tevîxwediyê mafê tehliyeya bişert e jî nedihat tehliyekirin.
George Ibrahim Abdallah ê di sala 1951’an de ji dayîk bûye û Xiristiyan e, endamê Eniya Rizgariya Gel a Filistînê û yek ji damezrînerê rêxistina Marksîst ya Fraksiyonên Çekdarî Şoreşgerî yên Libnanê (FARL) ye ku di sala 1979’an de hatiye damezrandin.
Vê rêxistinê, du sûîqestên li dijî rayedarên Emerîkî û Îsraîlî yên di sala 1992’yan de girtibûn ser xwe. Rêxistinê li Fransayê bi tevahî 4 êrîş pêk anîne û di her çar çalakiyan de hin kesan jiyana xwe ji dest dabû.
Abdallah, di sala 1984’an de li Lyonê bi pasaporta Cezayîrê hate girtin û di sala 1986’an de bi sûcên bikaranîna belgeyên sexte, gerandina çek û teqemeniyan û endamtiya rêxistinê çar sal cezayê hepsê lê hatibû birîn. Lê belê di sala 1987’an de bi hinceta ku alîkarî daye sûîqesta du dîplomatan cezayê muebetê lê hate birîn.
Ji sala 2009’an ve ye hemû serlêdanên wîbi hinceta ku poşmantînîşan nedaye, hatibûn redkirin. Li gorî alîgirên wî hikûmetên Fransayê li hemberî wî serî li ‘’tolhilanîneke siyasî’’ didin. Herî dawiyê jî daraza îdarî ya Fransayê daxwaza wî ya tehliyekirina bi dersînorkirinê red kiribû.
Ev biryara dawîn a ji aliyê dadgeha Parîsê ve hate dayîn, piştî kampanyayên piştevaniya neteweyî û navneteweyî ku bi salan e berdewam dikin, hate girtin. Ji bo serbestberdana George Abdallah hikûmeta Libnanê jî gelek caran ketibû dewrê. Tê payîn ku piştî tehliyekirinê George Abdallah ji bo Libnanê were dersînorkirin.
