Komîteya Rêveber a Tevgera Şoreşê ya Yekbûyî ya Gelan (HBDH) bi wesîleya salvegera şehadeta Ûlaş Adali daxuyaniyek weşand.
Di daxuyaniyê de hate ragihandin ku sosyalîzm bi pratîka xwe ya dîrokî, bi teoriya xwe ya li ser paşerojê ya li nava jiyanê ku rastiya wê timî piştast bûye, yekane alternatîf e li pêşiya mirovahiyê û hate gotin, “Lewma sosyalîzm serûbiniya civakî, serhildana li dijî sîstema emperyalîst-kapîtalîst û şerê rasteqîn ê li hemberî wê ye.
Hevrê Ûlaş Adali weke neferekî vî şerî li eniyên herî pêş ên vî şerî cih girt.
Hevrê Ûlaş Adali bi keda xwe ya şoreşgerî di nava têkoşîna sosyalîzmê de meşiya, da meşandin. Şahidî ji têkoşîna karkeran, çalakiyên li kolanan, raperîn û serhildanan re kir. Hevrêtiya xwe pêşkêşî têkoşîna li çiyayên Kurdistanê, Şoreşa Rojava û Enternasyonal kir. Bi vê pratîka xwe timî ispat kir ku şervanekî pêşeng ê xwedî biryardariya sosyalîzma şoreşger e.”
Di daxuyaniyê de hate bibîrxistin ku Ûlaş Adali yek ji damezrînerên Tevgera Şoreşê ya Yekbûyî ya Gelan bû ku mînaka herî li pêş a yekîtiya têkoşînê ya gelên Kurd û Tirk e û hate gotin, “Bû yek ji nûnerên herî pêş ê vê mînaka li pêş. Ji bo hesreta sosyalîzma yekbûyî ya gelan veguhere hêzeke yekbûyî têkoşiya. Bû îradeya vê daxwazê, kedkar û rûyê vê armancê.”
Komîteya Rêveber a HBDH’ê diyar kir ku armanca sosyalîzm û şoreşa yekbûyî ya Kurdistan û Tirkiyeyê li hemberî rêveberên barbariya kapîtalîst a li herêê, yekane alternatîf û hêvî ye û got, “Şoreşa Yekbûyî û Sosyalîzm di rastiya têkoşînê û jiyana hevrê Ûlaş Adali û bi dehan hevrêyên dan ser şopa wî de şênber bû, rêya me ronî dike. Em ê meşa xwe ya li ber vê ronahiyê dewam bikin.
Em endamê DKP, BOG û kadroyê damezrîner ê HBDH’ê hevrê Ûlaş Adali di salvegera meşa ber bi ebediyetê de bi hurmet, minet û hesreteke mezin bi bîr tînin û careke din dilsoziya xwe ya bi meşa ber bi armanca sosyalîzm û şoreşa yekbûyî tînin ziman. Di şexsê hevrê Ûlaş Adali de li pêşiya bîranîna hemû şoreşgerên nemir ên têkoşîna sosyalîzm û şoreşa yekbûyî bejna xwe bi hurmet ditewînin.”
