Li Wanê bi pêşengiya Akademiya Jîneolojiyê ûTevgera Jinên Azad (TJA) li baxçeyê avahiya DEM Partî ya Wanê atolyeya bi mijara ‘polîtîka qirkirina jinê; qetilkirina jinan’ pêk anîn. Gelek jin tevli atolyeyê bûn.
Endama akademiya jîneolojiyê Fîgen Aras balkişand ser êrîşên li hember jinan û got mêr li hember jinê şer daye destpêkirin. Fîgen Aras her wiha got di vê pêvajoya ku aştî tê axaftin de xebatên atolyeyê yên der barê jinan de pêk tînin û got: “Di vî şerî de bedelên mezin hatin dayîn û piranî kesên bedel dan jî jin bûn. Ji ber vê divê em tevli pêvajoya aştiyê bibin. Em azad nebin civak azad nabe. Divê jin pêşengiya pêvajoyê bikin. Divê em bizanibin ku azadiya me wê bibe wesîleya azadiya civakî û tevli pêvajoyê bibin.”
Atolye bi dirûşmeya “Jin jiyan azadî’ bidawî bû.
