Fermandariya Hêzên Ewlekariya Hundirîn a Bakur û Rojhilatê Sûriyeyê bi daxuyaniyekê li ser malpera xwe ya fermî aşkera kir ku di qezaya li ser rêya Şedadê-Hesekê de 13 kesan jiyana xwe ji dest da û 9 jî birîndar bûn.
Di daxuyaniyê de ev agahî hatin parvekirin: “Îro sibehê, (sêşemê), li ser rêya Şedadê-Hesekê li gundê Xemaîl qezayeke trafîkê pêk hat, ku di encamê de 11 welatî û 2 endamên hêzên me wefat kirin û 9 kesên din jî birîndar bûn. Qeza ji ber lihevqelibîna tankereke mazotê, otobûseke rêwiyan û kamoyînekê pêk hat û zirareke mezin bi wesayîtan bûn û hejmarek qurbanî çêbûn.
Hêzên me bi hevkariya tîmên ambulansê, bi lez çûn cihê bûyerê û cihê qezayê ewle kirin, birîndar û cenaze veguhestin nexweşxaneyên bajarê Hesekê. Dûre jî ji bo diyarkirina sedemên qezayê dest bi lêkolînan hate kirin.
Em Hêzên Ewlekariya Hundirîn, sersaxiyê ji malbatên qurbaniyan re û şîfaya lezgîn ji birîndaran re xwest. Em bang li hemû ajokaran dikin ku ji bo ewlehiya her kesî pabendî qanûnên trafîkê û rêziknameyên ewlehiyê bibin.”
