Mervan Demîrtaş ê ku li Girtîgeha bi Ewlekariya Bilind a Antalyayê tê ragirtin, ji ber ku beriya niha poşmanî qebûl nekir, berdana wî 3 caran ji bo 6 mehan hate taloqkirin û careke din li heman kiryarê rast hat. Demîrtaş ku 14 sal in dîlgirtî ye, ji ber ku poşmaniyê qebûl nake, berdana wî cara 4’emîn ji bo 6 mehan hate taloqkirin.
Berdana girtiyê nexweş Mahmût Kaygan ê li Girtîgeha Tîpa S a Manavgatê girtî ye cara 4’emîn hate taloqkirin. Kaygan ku 31 sal in girtî ye beriya niha 3 caran ji bo 3 mehan berdana wî hatibû taloqkirin. Ji ber ku poşmanî qebûl nekir cara 4’emîn ji bo 3 mehan berdana wî hate taloqkirin.
Berdana Nûrşen Tekîn ku 30 sal in girtî ye û li heman girtîgehê ye, 3 mehên din nayê berdan. Hate ragihandin ku berdana Nûrşen Tekîn ji ber ku poşmanî qebûl nekiriye hatiye taloqkirin.
Li gorî agahiyan li herdu girtîgehan zext û êşkenceya li girtiyan dewam dikin.
