Daxuyaniya Federasyona Demokratîk a Elewiyan (FEDA) û Yekîtiya Jinên Elewî yên Demokratîk (DAKB) bi vî rengî ye:
‘’Okkeş Kenger di doza Komkujiya Mereşê de ku li gorî daneyên fermî di encama komkujiyê de 120 kes hatine qetilkirin, ji aliyê Dadgeha Rêveberiya Tund a Edeneyê ve weke bersûcê sereke hate darizandin. Lê belê hate berdan. Tevî vê yekê jî ew ne bersûcekî ku weke di raya giştî de tê bibîranîn şûcê wî muhtemel e, ew kujerekî qetlîamker e.
Lê belê mixabin ku roja îroyîn ji bo vî kujerî merasîmên ‘rêzdariyê’ tên lidarxistin û ji aliyê protokola dewletê ve tê oxirkirin. Ev yek tê wateya dubare girankirina êşa Elewiyan. Feraseteke dewletê ya li pişt kesên ku canên me yên bêguneh tune hesibandine û ew qetil kirine, disekine, nikare qala hemwelatîbûna wekhev û edaletê bike.
Di vê serdema ku pêvajoya aşitî û civaka demokratîk de, xwedîlêderketina kujerekî bi vî rengî ya ji aliyê dewlet û zîhniyeta qetlîamker ve bandor û hêza zîhniyeta komkujîker û rastiya ku hê gelek karên ku divê em bikin hene, nîşanî me dide.
Ev merasîm bes ne fîhilkirina Kenger e; tê wateya veşartina Komkujiya Mereşê û dubare qetilkirina mexdûran. Merasîmên rêzdariya ji bo kujeran ji bo me dewama lanet, zulm û înkarê ye.
HEQÎQET, EDALET Û HEMWELATÎBÛNA WEKHEV
Heya ku edalet neyê dabînkirin, hesaba komkujiyan neyê pirsîn êşa Elewiyan bi dawî nabe û di nava civakê de aşitî û lihevkirineke rastîn pêk nayên. Em bejna xwe li ber ruhên xwe yên li Mereş, Çorûm û Sêwasê jiyana xwe ji dest dane ditewînin; em hemû hewldanên ku kujerên wan fîhîl dikin, red dikin. Ji bo me rê diyar e: Heqîqet, edalet û hemwelatîbûna wekhev.
Em weke FEDA û DAKB’ê; bi biryar in ku li hemberî veşartina kesên ku di Komkujiya Mereşê de cih girtine, li hemberî hemû gotinên rê li ber reşkirinê vedikin û hemû helwestên ku vî kujerî weke bêguneh nîşan didin, têbikoşin.’’
