Li Zanîngeha Silêmaniyê 1’emîn Konferansa Navneteweyî ya Jîngehê ya bi navê ‘Eko Kurdistan Yek’ hatibû destpêkirin bi dawî bû. Konferansa ku 2 rojan berdewam kir, li ser çareserkirina pirsgirêkên jîngehê nîqaş hatin kirin. Konferans bi encamnameyekê dawî bû.
Di seranserê konferansê de, gelek akademîsyen, lêkolîner û çalakvanên jîngehê bal kişandin ser pirsgirêkên bingehîn ên wekî guherîna avhewayê, kêmbûna çavkaniyên avê, qirêjiya hewayê û xirabûna hevsengiya ekolojîk.
Di dawiya konferansê de Doxtor Soran Mihemed Reşîd destnîşan kir ku erk û berpirsyar dikeve li ser stûyê wan tevan û got: “Di van du rojan de gotar, mijarên zanistî û akademîk yên bi nirx hatin pêşkêşkirin. Di encama van nirxandinan de wêneyek zelal derket holê ji bo pirsgirêkên sereke yên jîngeh pêre rû bir û dimîne. Her wiha guherînên avhewayê û çavkaniyên avê û dîsa qirêjiya hewayê hatin destnîşankirin.”
Dr. Soran Mihemed Reşîd diyar kir ku ev nirxandinên derketîn ji bo her kesê bangeke ya paratina jîngehê û bi erk û berpirsyariyên xwe rabe.
