Îkram Guner ku li Girtîgeha Tîpa T a Bafrayê dihat ragirtin û piştî 31 salan hate berdan, hat bajarê xwe Amedê. Guner, li Federasyona Komeleyên Hiqûq û Piştevaniyê ya bi Malbatên Girtî û Hikûmxwaran re ya Medê (MED TUHAD FED) hat pêşwazîkirin. Piştre jî Guner çû mala malbata xwe ya li navçey Farqînê. Guner, li vir ji hêla endamên malbatê, nûnerên partiyên siyasî û gelek kesan ve bi coşeke mezin hat pêşwazîkirin. Di pêşwazîkirinê de girseyê li ber zirneyê govend gerand.
GIRTÎBÛNA 31 SALAN
Îkram Guner, di Cotmeha sala 1994’an de hate binçavkirin û Dadgeha Ewlekariyê ya Dewletê (DGM) ya Enqereyê cezayê muebbedê lê birî. Guner, di nava 31 salan de li girtîgehên Kayserî, Yozgat, Mêrdîn, Bayburt, Ordu û Bafrayê ma. Guner, diviyabû di 11’ê Cotmeha 2024’an de bihata berdan Lê belê tehliyeya wî 2 caran ji bo 6 mehan hate taloqkirin. Herî dawî jî tehliyeya wî ji bo 6 mehan hate taloqkirin lê piştî îtîraza parêzeran duh hate berdan.
