Li gor daxuyaniya Baregeha Barzanî, îro li bajarê Dihokê Serokê PDK’ê Mesûd Barzanî pêşwazî li Fermandarê Giştî yê Hêzên Sûriyeya Demokratîk (QSD) kir.
Di hevdîtinê de Mesûd Barzanî diyar kir ku pêwîste pirsgirêka Kurd bi rêyên demokratîk û aştiyane û di çarçoveya Sûriyeya nû de were çareserkirin û got; “Divê şaştiyên berê çareser bibin û dubare nebin.” Her wiha tekezî li ser mayîn, hevgirtin û yekîtiya hêz û partiyên sîyasî yên Kurd kir û got: “Divê mafên gelê Kurd neyên binpêkirin.”
Li gor daxuyaniyê, di hevdîtinê de Fermandarê Giştî yê QSD’ê Maxlûm Ebdî ji ber vexwendina a ji bo Forûma Aştî û Ewlekariyê ya Rojhilata Navîn (MEPS) spasiya Serokê Hikûmeta Herêma Kurdistanê Mesrûr Barzanî kir. Her wiha hate gotin ku Mazlûm Ebdî behsa rola Mesûd Barzanî di hewldanên wî yên ji bo nêzîkirina aliyan û pêkanîna yekîtiya di navbera partiyên Rojavayê Kurdistanê de kir.
Her wisa li gor daxuyaniyê, Mazlûm Ebdî di hevdîtinê de, ji ber Herêma Kurdistanê ku di çend salên borî de penaberên ji Rojavayê Kurdistanê yên ji ber aloziya Sûriyeyê û êrişên çeteyan koçber bûne û ew hewandine spasiya xwe pêşkeş kir. Herî dawî piştgiriya Herêma Kurdistanê ya di têkbirina terorê de girîng û biqîmet nirxand.
