Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê îro civîneke berfireh li dar xist. Hevserokên meclisên rêveber, nûnerên sazî û nivîsgehên darayî yên kantonan, Desteya Hevserokatiya Meclisa Demokratîk a Gelan û hevserokên Desteya Giştî ya Darayî beşdarî civînê bûn.
Li gorî daxuyaniya ku li ser malpera Rêveberiya Xweser hat weşandin, Hevserokê Desteya Giştî ya Darayî Dr. Ehmed Yûsif bi awayekî berfireh lîsteyên budçeyan û parên darayî yên her kantonekê şîrove kirin.
Di civînê de budçeya veberhênanê ya sala bê ku tê de 150 milyon dolar ji bo projeyên veberhênanê hatine veqetandin, hate nîqaşkirin. Beşdaran jî tekez kir ku di qonaxa pêş de projeyên xizmetguzarî, tenduristî û perwerdeyê werin pêşanîkirin û rola Yekitiya Şaredariyan di pêkanîna planên pêşkeftinê de were xurtkirin.
Civîn bi diyarkirina demekê ji bo temamkirina nîqaşa pêşnûmeya budçeyê bi Meclisa Demokratîk a Gelan re û piştî lêkolîneke berfireh were erêkirin, bi dawî bû.
