Navenda Ragihandina Hêzên Sûriya Demokratîk (QSD) bi daxuyaniyekê nasnameya şehîd Gîvara Gabar eşkere kir.
Di daxuyaniya QSDˊê de wiha hat gotin: “Em bi serbilindî nasnameya lehengekî xwe aşkera dikin. Şervanê me piştî têkoşîneke tijî berxwedan, di bêbandorkirina mayîneke dijmin de, şehîd bû. Hevrêyê me Gîvara Gabar di tevlêbûna xwe ya li nava piranî hemleyên hêzên me yên li dijî terorê, dagirkeriya Tirk û çeteyên wê de têkoşîneke birûmet da meşandin. Ew di nava malbateke welatparêz a xwedî dîroka demdirêj a xebata şoreşgerî û niştîmanî de mezin bû. Malbat xwedî gelek şehîd e û bi dehan keç û xortên wê tev li hêzên me bûne.”
Di berdewama daxuyaniyê de hat diyarkirin ku şehîd Gîvara mînaka wêrekî, cesaretê bû, kesayeteke dilnizm, xwedî sincên baş, dîsplîn bû. Her tim xebat li ser berevaniya nirxên şehîdan dikir. Şehadeta wî şopekî mezin li gel hevrê, malbat û hezkiriyên wî hişt, lê di aliyekî din de jî îsrara wan a berdewamkirina têkoşînê bi awayekî xurttir zêde kir.
Agahiyên li ser nasnameya şehdî wiha ne;
Nasnav: Gîvara Gabar
Nav û paşnav: Ehmed Îbrahîm
Navê dayikê: Hêvî
Navê bav: Hecî
Cih û dîroka jidayikbûnê: Kobanê
Cih û dîroka şehadetê: Bendava Tişrînê -di qezayeka leşkerî ya bêbandorkirina mayîneke dijmin de şehîd bû-30ˊê Mijdara 2025ˊan.”
