HPG-NRÇ’ê di daxuyaniya xwe ya nivîskî de got, “Em ewladên qehreman ên gelê Kurd Abbas Heftanîn, Axîn Baksî, Demhat Maxmûrî, Sîpan Bêwar û Zinar Bahoz ên ku di têkoşîna sala 2018’an de li dijî êrîşên dijmin bi ruhekî fedaî şer kirin û gihiştin şehadetê, bi hezkirin û hurmetî bibîr tînin.”
Di berdewama daxuyaniyê de ev tişt hatin gotin, “Hevrêyên me Abbas, Axîn, Demhat, Sîpan û Zinar di demeke ku dewleta Tirk hewl dida Tevgera me tasfiye bike û li ser gelê me operasyonên qirkirinê pêk dianî de, peywirek dîrokî girtin ser milên xwe. Hevrêyên me yên ku bi hişmendiya berpirsyariya dîrokî tevgeriyan, li hemberî her peywira ku Tevgera me daye pêşiya wan bi rengekî cidî û xurt nêz nêzbûne û berpirsyariyên xwe bi cih anîne. Ji bo biserketina armanca Rêbertiya Azad û Kurdistana Azad bêdudilî bi rengekî çalak tevlî bûn. Bi fedakarî û tevkariyên mezin ên ku ji bo pêkanîna felsefeya azadiyê nîşan dan, di dîroka me ya têkoşînê de şopên kûr hiştin. Hevrêyên me dizanin ku serketin tenê bi israrkirina di şêwaza têkoşînê ya Apoyî de dikare were bidestxistin û li ser vê bingehê bi pratîkên xwe bûn delîla herî mezin a vê yekê. Hevrêyên me yên ku êrîşên dijmin ên li ser Herêmên Parastinê yên Medyayê kirin sedema mezinkirina têkoşînê, di xeta fedaîbûnê de têkoşîn meşandin. Têkoşîna fedakar û helwesta bi biryar a hevrêyên me wê her tim rêya me ronî bike.
Li ser vê bingehê, em di serî de ji malbatên hêja yên hevrêyên me yên qehreman Abbas, Axîn, Demhat, Sîpan û Zinar û gelê Kurdistanê yê welatparêz re sersaxiyê dixwazin û soz didin ku armanca şehîdan bigihînin serktinê.
Agahiyên nasnameya hevrêyên me yên şehîd bi vî rengî ne:
|
|
Nasnav: Abbas Heftenîn Nav û Paşnav: Cîhan Yîgît Cihê Jidayikbûnê: Şirnex Navê Dayik û Bav: Kudret- Hûseyîn Dîrok û Cihê Şehadetê: 29 Tebax 2018 /Zap |
|
|
Nasnav: Axîn Baksî Nav û Paşnav: Evîn Baksî Cihê Jidayikbûnê: Êlih Navê Dayik û Bav: Zuriye- Salîm Dîrok û Cihê Şehadetê: 29 Tebax 2018/ Zap |
|
|
Nasnav: Demhat Maxmûrî Nav û Paşnav: Ferman Turgut Cihê Jidayikbûnê: Colemêrg Navê Dayik û Bav: Xursî- Ahmet Dîrok û Cihê Şehadetê: 22 Adar 2018 /Xakûrkê |
|
|
Nasnav: Sîpan Bêwar Nav û Paşnav: Ozgur Aydemîr Cihê Jidayikbûnê: Mûş Navê Dayik û Bav: Ayşe- Ahmet Dîrok û Cihê Şehadetê: 18 Cotmeha 2018/Mûş |
|
|
Nasnav: Zinar Bahoz Nav û Paşnav: Omer Turk Cihê Jidayikbûnê: Amed Navê Dayik û Bav: Songul-Mehmet Dîrok û Cihê Şehadetê: 24 Nîsan 2018/Avaşîn |
