Li Wargeha Penaberan a Şehîd Rustem Cûdî (Mexmûr) di bin dirûşmeya ‘Em Civaka Demokratîk û Komînan Avabikin Bi Rêbertî Re Azad Jiyan Bikin’ 14’emîn Konferansa Meclîsa Îştar destpê kir.
Salona konferansê bi wêneyên Rêber Apo, şehîdên pêşeng ên jin, pankartên ku li ser ‘Divê Jin Di Avakirina Jiyaneke Wekhev û Azad De Pêşeng Be’ û ‘Bi Têkoşîna Jinan Ber Bi Rêbertiya Gerdûnî Ve’ hat xemilandin.
Konferans bi amadebûna 400 delegeyan bi girtina deqeyek rêzirtin ji bo hemû cangoriyên Azadiya Kurdistanê destpê kir.
Piştî rêzgirtinê Hevseroka Şaredariya Wargeha Penaberan a Mexmûrê Fatma Bîlen axaftina vekirinê kir.
Fatma Bîlen di destpêka axaftina xwe de 14. Konferansa Meclîsa Îştar li Rêber Apo û tevahî gelê amade pîroz kir û got: “Em hêvî dikin ev konferans, bibe wesîleya ku kar û xebatên xurt bêne meşandin. Em li dijî sîstema qirker têkoşîna jinê hin xurtin bikin. Di vê pêvajoya Rêbertî dayî destpê kirin de gelek hêz hene ku dixwazin xirab bikin. Lê emê bi têkoşîna xwe hemû planên wan vale derbixin. Emê vê konferansê bikin gava yekem ya serkeftinê. Em hîn bêhtir xwedî li kar û xebatên xwe derbikevin. Em li dijî sîstema kujer bibin bendek ya parastinê. Em ji bo hemû pêşengên ji bo têkoşîna jin xwe feda kirin emê xwe hîn bêhtir rêxistin bikin. Em di pêvajoya ‘Aştî û Civaka Demokratîk’ de wek jin rol û mîsyonê xwe bileyîzin.”
Konferans bi xwendina perspektîfên Rêber Apo û raporên dû salan berdewam kir.
