Ji bo pirtûka “Bêsînor” a nivîskar Serpîl Aslan li Frankfurtê bi roja îmzeyê hat nasandin. Danasîn li Komeleya Foruma Ciwanan a Navçandî (KAGEF) hate lidarxistin. Serpîl Aslan ramanên xwe yên li ser pêvajoya nivîsandinê parve kir û îlhama karakterên sereke yên pirtûkê rave kir.
Romana ku çîrokên penaberan ji Rojava heta derbasbûnên sînor ên mirinê yên Ewropayê vedikole, ji jiyana zarokên ku di nav şer de mezin dibin bigire heta zordariya îdeolojîk, ji xerîbiyê bigire heya wêjeya berxwedanê vegotinek berfireh pêşkêş dike. Serpîl Aslan diyar kir ku pirtûk ji bo wê pêvajoyek veguherîner bû û got, “Dema ku min dest bi pirtûkê kir ez pir cûda bûm û dema ku min ew qedand ez bi cûdatir bûm.”
‘MIN HEWL DA KU DERDÊ MIROVÊN KU DERDÊ MIN E VEBÊJIM’
Serpîl Aslan diyar kir ku di pêvajoya nivîsandina pirtûkê de wê hewl da ku ji zimanê dirûşmeyî dûr bisekine û got, “Kêliya ku hûn xwe herî zêde hîs dikin ew kêliya ku hûn dinivîsin. Min hewl da ku derdên mirovên ku derdê min e vebêjim.” Nivîskar Aslan anî ziman ku wê ji karakterên romanê pir îlham girtiye û got, “Ez gelek tişt ji wan fêr bûm.”
Serpîl Aslan destnîşan kir ku yek ji karakterên pirtûkê Ivana Hoffman a ku li Rojava şehîd bû, pirçandiya wê bala wê kişandiye. Serpîl Aslan anî ziman ku dema ku cara yekem wê dît, ji xwe re gotiye, ”Divê teqez vê binivîsim”. Serpîl Aslan anî ziman ku ji ber bavê Ivana Hoffman Togoyî û dayika wê Elman e û jiyana wê ya li herêma şer bingeha girîng a berhêmê ye.
‘EM XWEDÎ LI NIRXÊN LI KÊLEKA XWE DERNAKEVIN’
Serpîl Aslan da zanîn ku mirov ji ber hegemonyaya îdeolojîk ji nirxên xwe dûr dikevin û wiha domand: “Em xwdî li nirxên li kêleka me ne dernakevin, her ku em ji wan dûr dikevin an jî winda dikin tê asta ku em nikarin xwe bigihînin wan. Di kêliya rast a dîrokê de li cîhê rast sekinîn pir girîng e.”
Nivîskar nivîskariya xwe wekî, “şoreşgeriyek zehmet e lê berpirsyarî divê” pênas kir.
DI ROJA ÎMZEYÊ DE STRAN Û HELBEST HATIN XWENDIN
Piştî danasîna pirtûkê, pirtk hat îmzekirin. Hunermend Bîlal Akdenîz, Yaşar Kahraman û Nîlgun Kose stran gotin. Her wiha Emîne Kose jî bi xwedina helbestan reng da roja îmzeyan.
Romana “Bêsînor” a Serpîl Aslan bi vegotina bihêz ku hem rêwîtiya kesane û hem jî civakî aniye cem hev ji hêla xwendevanan rastî eleqeyek mezin hat.
