Di çarçoveya Pêvajoya Aştî û Civaka Demokratîk de, partiyên siyasî yên di nava komîsyona li meclîsê de cih digirin, raporên li ser çareseriya pirsgirêka Kurd amade kirine wê radestî Sekreteriya Giştî ya Meclîsê bikin.
Li gorî agahiyan, Partiya Demokrasî û Wekheviyê ya Gelan (DEM Partî) rapora xwe temam kiriye û wê piştî nîvro radestî Serokatiya Meclîsê bike. Tê payin ku rapor ji ailyê Koordînatora Komîsyonê ya DEM Partiyê Gulistan Kiliç Koçyîgît ve bê radestkirin.
Tê gotin, partiyên din jî wê di nava rojê de raporên xwe radestî Sekreteriya Giştî ya Meclîsê bikin.
Serokwekîlê Koma CHP’ê Mûrat Emîr di civîna dawî ya komîsyonê de diyar kiribû ku wan raporek ji 17 rûpelî amade kirine.
Mûstafa Şen ê ji AKP’ê jî gotibû, rapora wan a ji 50 rûpelî weke “Belgeya helwesta siyasî” amade kirine.
Alîkarê Serokê Giştî yê MHP’ê Fetî Yildiz jî ragihandibû ku wan raporek ji 116 rûpelî amade kirine.
