Bi dehan kes ji şêniyên bajarê Tirbespiyê şervanê QSD`ê Sîpan Cûma ku di 9`ê Kanûnê de di encama qezayeke trafîkê de şehîd bûbû, li Pakrewangeha Şehîd Dilşêr ya li gundê Dugur oxir kir.
Şêniyên bajar, endamên saziya, malbatên şehîdan, partiyên siyasî û ên leşkerî beşdarî merasîmê bûn. Di merasîmê de bi navê Melisa Malbatên Şehîdan a Tirbespiyê Selma Xelîl diyar kir ku Rojavayê Kurdistanê her bihostek ji axê wê bi xwîna şehîdan hatiye parastin û got: “Îro dijmin ji vê kombûna me ditirse û dibe kelem û dikeve dilê dijmin, ji ber ku dijminê me ji îradeya gelê me û şehîdan ditirse. Em soz didin rêya wan dewam bikin.”
Endamên Meclisa Leşkerî ya Tirbespiyê Çekdar Tirbespiyê jî axivî û got: “Wek meclisa leşkerî, dema ku hevalekî me şehîd dikeve, em soza xwe pê re nû dikin û çeka wî li erdê nahêlin û israra me ya berxwedanê bi hêztir dibe.”
Li ser navê malbata şehîd Sîpan jî apê wî Ebdulxenî Cûma diyar kir ku ew serbilind in û soza domandina rêya wî da.
Piştî axaftinan, wesîqeya şehîd hate xwendin û radestî malbata wî hat kirin.
