Mehmet Tûnç ê ku bi jiyana xwe ya têkoşîna nêzîkî 50 salî di tevgera şoreşger a Tirkiyeyê de xwediyê roleke girîng, di 20’ê Kanûnê de li Elmanyayê jiyana xwe ji dest da.
Mehmet Tûnç, di pêvajoya avakirina Taxa 1’ê Gulanê de cih girt. Di sala 1978’an de di nava yekîneyên gerîla yên yekemîn ên TIKKO’yê de beşdarî têkoşînê bû. Mehmet Tûnç, di sala 1982’yan de di şer û pevçûneke li dijî artêşê ya li Meletiyê de li gel 5 hevalên xwe hate girtin, bi mehan êşkenceyên giran lê hatin kirin û piştre bi salên dirêj di girtîgehê de ma.
Tûnç ê ku piştî ji girtîgehê derdikeve jî têkoşîna xwe didomîne, di sala 1994’an de dubare tê girtin û li Girtîgeha Bayrampaşayê hate ragirtin. Di sala 1995’an de beşdarî greva birçûbûnê ya bênavber û di sala 1996’an de jî beşdarî berxwedanên rojiya mirinê dibe.
Cenazeyê Mehmet Tûnç, li gundê wî Korucek ê Elbistana Mereşê li gel beşdariya malbata wî, rêveber û endamên navçeyê yên HDP’ê hate veşartin.
