Li Parka Azadî ya Silêmaniyê bi dirûşma ‘Bijî Berxwedana Şêxmeqsûd û Eşrefiyê’ Nûnertiya Rojava bi hevkariya saziyên jinan, bi çalakiyekê Şehîdên Berxwedana Helebê bibîr anîn.
Di çalakiyê de ewil li ser navê Sekreteriya Yekîtiya Jinan Sazyan Şehîd Talib peyamek da û got: “Gelê me li Rojavayê Kurdistanê hatin qirkirin. Şervanên me ji bo parastina rûmeta xwe li berxwedan û li dijî dijimin xak û welatê xwe parastin. Jinan di vê berxwedanê de xwedî roleke mezin bûn. Ew bûne sembola azadî û berxwedanê. Divê cîhan vê rewşa rewşê de li pişt YPJ’ê cih bigire ji bo xwîna şehîdan berhewan neçe. Jinên Başûrê Kurdistanê bi hemû aliyan ve li pişt Rojava ye. Hemû êrişên li ser destkeftiyên Kurdan jî şermezar dike.”
Nûnera Hevpeymana NADA Minîre Ebûbekir jî peyamek da û got: “Hikûmeta Demkî ya Sûriye ewilê bi dorpêç û piştre bi êrişên li ser Taxa Şêxmeqsûd û Eşrefiyê hemû peymanên ji bo parastina Sûriye û pêkhateyên wê têk bir. Bêrêzî li hemberî cenazeyê şehîdan kirin û heta niha jî xeteriya komkujiyan heye. Di vî şerî de bi hezaran jin, û zarok bûn qûrbanî. Bêdengiya li hemberî bûyera rû dayî, ji topbarandina li ser şervanan nexweştir bû. Ewên hewil didan ku rewşê veşêrin û qala wê nedikirin parçeyek ji wî sûcî ne.”
Herî dawî Minîre Ebûbekir bêdengiya hêzên navneteweyî ya li hemberî rewşê jî şermezar kir.
Nûnera Rojavayê Kurdistanê Bêrîvan Mihemed jî axivî û got: “Heta niha jî welatiyên sivîl tên armanckirin. Raste rast gule lê dibarînin. Çete ji bo bi hev re jiyanê bûye xeteriya herî mezin.”
Bêrîvan Mihemed destnîşan kir ku di van êrişan de nexwexane, dibistan, jîngehên sivîl û qadên xizmetguzariyê hatine hedefkirin û got: “Ev yek vekirî binpêkirina mafê mirovane.”
Piştî peyaman bîranîn bi dirûşma ‘Bijî Berxwedana Şêxmeqûd û Eşrefiyê’ bi dawî bû.
