Hikumeta demkî ya Sûriyeyê, hemwextî sewqiyetên leşkerî yên çeteyên xwe li derdora herêmê, ji 3 rojan ve kehrebe li bajarê Dêr Hafir û gundewarê wê yên girêdayî kantona Tebqayê qut kiriye. Vê pêkanînê zehmetiyên şêniyan zêdetir kirin.
Stasyona kehrebê ya li nêzî bajarê Sifîrê yê gundewarê rojhilatê Helebê ku di bin kontrola hikumeta demkî de, kehrebê dide Dêr Hafir û gundewarê wê. Qutkirina kehrebê ji ser bajêr xizmetên bingehîn felc kirin.
Di êrişên çeteyên hikumeta demkî yên dewleta Tirk a dagirker de firna Dêr Hafirê ya ku rojane 13 hezar û 500 tûrên nan ji zêdetirî 17 hezar malbatên bajêr û gundewarê re çêdike, navenda posteyê, navenda êm û malên welatiyan hatin hedefgirtin.
Êrişên berdewam û qutkirina kehrebê krîza mirovî ya li Dêr Hafir û gundewarê wê zêdetir dike. Bi van êrişan gel ji nan, kehrebê û xizmetguzariyên bingehîn mehrûm dibe.
