Fermandariya Giştî ya Hêzên Ewlekariya Hundirîn-Helebê bi daxuyaniyekê nasnameya endamekî xwe ku di berxwedana Şêxmeqsûd û Eşrefiyê de şehîd bû, eşkera kir.
Daxuyanî bi vî rengî ye:
“Hevalê me Îsam Mihemed Elî ku di nav Hêzên Ewlekariya Hundirîn de cih digirt, bi berxwedaneke mezin têkoşiya û di 6’ê Çileya 2026’an de li Şêxmeqsûdê gihaşt şehadetê.
Di şexsê hevrê Îsam Mihemmed de, em hemû şehîdên xwe yên berxwedana Eşrefiyê û Şêxmeqsûdê bi rêzdarî bi bîr tînin û ji malbat û gelê xwe yê welatparêz re sersaxiyê dixwazin.
Dewleta Tirk û çeteyên girêdayî hikûmeta demkî ya HTŞ’ê di dîroka 06.01.2026’an de li ser taxên Kurdan ên Helebê êrîşên qirkirinê yên dermirovî dan destpêkirin. Li dijî 2 taxên biçûk her cure çekên hewayî û bejahî hatin bikaranîn. Li hemberî van êrîşan, fermandar û şervanên me ji roja yekem ve tawîz nedan û bersivên tund dan dijmin. Hevalê Îsam, bi hevalên li kêleka xwe re, di roja yekem de bersiv da dijmin û di çarçoveya parastina cewherî de parêzvaniya taxên Eşrefiyê û Şêxmeqsûdê kir. Hêzên Ewlekariya Hundirîn, bi çalakiyên cur bi cur gelek êrîşên çeteyan şikandin û li her du taxan derbên giran li çeteyên girêdayî Şam û Enqereyê xistin.
Hevrêyê me Îsam Mihemmed li Helebê di sala 1983’yan de ji dayik dibe. Xwedî malbateke welatparêz e. Her wiha hevalê me Îsam Mihemmed zewicandî û bavê 6 zarokan bû. Lê ji bo ji malbat û gelê xwe re hawirdoreke aram û ewle ava bike di sala 2020’an de li taxa Şêx Meqsûdê tevlî Hêzên Ewlekariya Hundirîn dibe. Bi salan parastina taxên gelê xwe dike û bi fedakarî û dirustiya xwe ve bandora erênî li derdora xwe kiriye. Hevalê Îsam Mihemmed ku remza welatparêziyê ye li hember çeteyên qirker têkoşiya û heta şehadetê jî têkoşîna xwe berdewam kir.
Ji ber şehadeta hevrê Îsam Mihemmed; em ji malbat û hemû gelê xwe yê welatparêz re sersaxiyê dixwazin. Di şexsê şehîdên Eşrefiyê û Şêxmeqsûdê de, soza tolgirtin û pêkanîna armancên şehîdên xwe didin.”
NASNAMEYA ŞEHÎD
Nasnav: Îsam
Nav û Paşnav:Îsam Mihemmed Elî
Navê Dayikê: Erîfe
Navê Bav: Mihemmed
Cih û Dîroka Şahadetê: Heleb/Şêxmeqsûd, 06.01.2026
