Ajansa Reuterê derbarê daxuyaniya rayedarên Îranê ya li ser hejmara xwepêşanderên di xwepêşandanên li Rojhilatê Kurdistan û Îranê de hatine kuştin nûçeyek belav kir.
Li gorî ajansê, berpirsên rejîma Îranê îtiraf kirine ku wana 5 hezar xwepêşander li Rojhilatê Kurdistan û Îranê kuştine. Tê gotin herî zêde xwepêşander li herêmên Rojhilatê Kurdistanê hatine kuştin.
Li gorî heman çavkaniyê, desthilatdarên Îranê xwepêşanderan weke ‘terorîst’ pênase dikin.
Hêjayî gotinê ye li gor agahiyên rêxistina HRANA’yê belav kirine, ji destpêka xwepêşandanên ku ji 28’ê Kanûna 2025’an destpêkirine ve, 24 hezar 669 kes hatine binçavkirin. 3 hezar 919 kes hatine kuştin, 2 hezar û 109 kes jî birîndar bûne.
