DKP/BOG MK di daxuyaniya xwe ya nivîskî de wiha got: “Şoreşa Rojava ketiye qonaxeke dîrokî û krîtîk. Desthilata HTŞê ku piştgiriya hêzên emperyalîst girtiye li pişt xwe, ji bo tasfiyekirina şoreşa Rojava êrîşên xwe zêdetir dike. Dewleta Tirkiyeyê di piştperdê de ji bo tasfiyekirina şoreşa Rojava hemû derfetên xwe seferber kiriye.”
Di daxuyaniyê de hate gotin ku: “Di bin van şert û mercan de partiya me bang li çîna karker û kedkarên Tirkiyeyê dike ku ala piştevaniya enternasyonalîst a bi şoreşa Rojava re bilind bikin. Îro roja mil bi mil sekinîna bi şoreşgerên Rojava re ye ku DAÎŞ têk birin û li dijî her cure êrîşên dagirkeriyê li ber xwe didin.”
DKP/BOG’ê diyar kir ku “Partiya me di ferqa wê de ye ku helwesta polîtîk a di vê konjonktura dîrokî de hatî girtin, wê bibe helwesteke dîrokî” û wiha pê de çû: “Bi vê hişmendiyê, li her derê ku em lê ne, divê em bi wê zanabûnê tevbigerin ku rizgarîya çîna karker û kedkarên Tirkiyeyê, di heman demê de di pêkanîna mafê çarenûsa netewa Kurd re derbas dibe.”
DKP/BOG’ê da xuyakirin ku ew hay ji berdêlên mezin ên gelê Kurd di qezenckirina şoreşa Rojava de dane hene û daxuyaniya xwe wiha bi dawî kir: “Em careke din destnîşan dikin ku îro em ê di nava refên çîna karkerên Tirkiyeyê de, li kolanan, li qadan û li çeperên şerê şoreşgerî, bi bilindkirina dirûşma piştevaniya enternasyonalîst a bi gelê Kurd re, li şayîsteya bîranîna Komunarên nemir û nemirên ku şoreşa Rojava afirandin bin. Îro roja bilindkirina ala sosyalîzmê û roja mil bi mil sekinîna bi têkoşîna azadiyê ya gelê Kurd re ye.”
