Êrişên çeteyên DAIŞ’ê, HTŞ û dewleta Tirk a dagirker yên li ser Rojavayê Kurdistanê bê navber dewam dikin. Serokê Herêma Kurdistanê Nêçîrvan Barzanî derbarê mijarê de peyamek belav kir.
Nêçîrvan Barzanî ewil ragihand ku ew amade ne ji bo rawestandina şer û gihiştina bi agirbestê, her cûre alîkariyê pêşkêş bikin.
Barzanî got; “Em li Herêma Kurdistanê bi dilgiraniyeke mezin li berdewamiya pevçûn û rûbirûbûnên leşkerî yên di navbera hêzên Artêşa Sûriyeyê û HSDyê de dinêrin. Berdewamiya şer û pevçûnan gefeke cidî li ser aramî û ewlehiya Sûriye û herêmê bi giştî dirust dike û metirsiya serhildana DAIŞê tîne rojevê.”
Serokê Herêma Kurdistanê di dewama peyama xwe de got; “Em daxwazê ji Hevpeymaniya Navneteweyî dikin ku erka xwe ya di parastina aramiyê û rêgirtina li serhildana DAIŞê de bi cih bîne.
Em tekez dikin ku pêwîste mafên Kurdan û hemû pêkhateyan li Sûriyeyê parastî bin û di destûra paşerojê ya Sûriyeyê de bên misogerkirin.”
