Piştî ragihandina agirbestê bi 10 deqeyan, çeteyên hikumeta demkî yên ku dewleta Tirk a dagirker piştgiriya wan dike, 4 caran agirbest binpê kirin.
Çeteyên hikumetî saet di 20.20’an de êrişî girtîgeha Eqtan a bajarê Reqayê ku çeteyên DAIŞ’ê lê hatine ragirtin kir. Navenda Ragihandinê ya QSD’ê der barê êrişê de daxuyand ku şervanekî wê birîndar bûye.
Saet 21.11’an jî çeteyên hikumeta demkî bi obîsan bajarê Zirganê yê kantona Cizîrê topbaran kir.
Nêzî saet 21.55’an, çeteyên hikumeta demkî êrişî gundê Til Barûd ê li ser rêya Ebyet a başûrê Hesekê kir.
Di saetên derengiya şevê de çeteyan hikumeta demkî hewl dan li bajarê Sirînê yê Kobanê pêş de werin, lê şervanên QSD’ê derbe li wan dan û wan neçar kirin ku paşde vekişin.
Hemwextî van binpêkirinên balafirên keşfê yên dewleta Tirk saet 00.37’an nuqteyeke ewlehiyê li gundê Hiwêcê yê bajarê Qamişlo û cihê kombûna erebeyan a nexweşxaneya Dil û Çav a heman bajarî bombebaran kirin.
