Xelkê Başûrê Kurdistanê çalakiyên xwe yên ji bo Rojava dewam dike.
Li parêzgeha Helebce û bajarokê Kifrî ya ser bi îdareya Germiyanê, ji bo piştevaniya berxwedana Rojavayê Kurdistanê û dijî êriş û dagirkeriya çeteyên Colanî û dewleta Tirk welatî daketin qadan.
Çalakvan, rewşenbîr û welatiyên Helebceyê bi çalakiyek girseyî ragihandin ku divê partî û aliyên siyasî ji bo têkoşîna li dijî êrişên çeteyên Colanî û dewleta Tirk a dagirker yên li ser Rojavayê Kurdistanê, yekgirtî bin.
Her wiha li bajarokê Kifrî ya ser bi îdareya Germiyanê, li dijî êrişên li ser Rojavayê Kurdistanê bi beşdariya ji heft salî heta heftê salî xwepêşandan hate lidarxistin. Xwepêşanderan bang li civaka navneteweyî kirin ku ji bo rawestandina êrişan hewl bidin.
