Ji 6’ê Çileyê ve çeteyên hikumeta demkî ya Sûriyeyê yên ku dewleta Tirk a dagirker piştgiriya wan dike, êrişî Rêveberiya Xweser dikin.
Li hemberî van êrişan Hêzên Sûriyeya Demokratîk (QSD) û Rêveberiya Xweser seferberiya giştî ragihand. Li ser banga seferberiya giştî gelên kantonên Cizîrê û Kobanê ji beriya du rojan û vir ve ji bo parastina herêmên xwe li kolanan e û li hemberî êrişan berxwedan hilbijartine
Li bajarê Hesekê gel di serferberiyê de ye. Hêzên Ewlekariya Hundirîn û Hêzên Parastina Civakî (HPC), tevî şêniyên bajar parastina ewlehiya bajar dikin. Şervanên QSD û YPJ’ê jî li eniyên berxwedanê erkên xwe bi cih tînin. Firne jî xizmeta ji bo şêniyan didomînin. Her wiha ekîbên tenduristiyê jî ji ber rûdana rewşên awarte di seferberiyê de ne.
Li Til Temir û Dirbêsiyê jî ku gel tevlî seferberiya giştî bûne, taxên xwe diparêzin, dewriyeyan di nava tax û kolanan dimeşînin. Di saetên bi roj de tevgera şêniyan bi awayekî nisbî di çarçoveya dabînkirina pêwîstiyên jiyanî de ye, lê di êvarî de vediguhere seferberiyeke giştî ya parastinê.
