Şandeya DEM Partiyê ku ji hevseroka DEM Partiyê Tulay Hatîmogullari, hevserokê DBP’ê yê Keskîn Bayindir, hevberdevkên însiyatîfa Yekitiya Demokratîk Gulcan Kaçmaz û Îmam Taşcier, berdevka Platforma Piştgiriya Sosyalîst (SODAP) Kezban Konukçu, berdevka Tevgera Jina Azad (TJA) yê Çîmen Fîdan, dayika aştiyê Asya Tay, rêveberê Komeleya Hiquqnasan ji bo Azadiyê (OHD)’ê Mehmet Alî Aslan, endamê Kongreya Îslama Demokratîk Alî Angay, parlamenterê DEM Partiyê yê Mêrsînê Alî Bozan, serokê Baroya Mêrdînê Ehmed Duyan pêk tê, 21’ê Çileyê (2026) derbasî Rojava bûbûn, îro ji Rojava derketin.
Şandeyê li Rojava serdana Partiya Yekitiya Demokratîk (PYD), Kongra Star, Şandeya Kurdî û Daîreya Têkiliyên Derve ya Rêveberiya Xweser kir û li avahiya Daîreya Têkiliyên Derve daxuyaniyek da. Di daxuyaniyê de bal kişandin ser girîngiya piştgiriya Rojavayê Kurdistanê û bang kir her kes beşdarî berxwedana Rojava bibe.
Şande îro sibehê ji Rojava ber bi Başûrê Kurdistanê ve kete rê.
