Di çarçoveya tevlêbûna berdewam a li nava seferberiya giştî ya ji bo parastina bajaran de, keç û xortên bajarê Hesekê yê kantona Cizîrê Tabûra Şehîd Berxwedana ava kir.
Di avakirina tabûrê de peyamek ji bo gelê Hesekê, her çar parçeyên Kurdistanê hat dayîn: “Ey gelê me yê birûmet weke tê zanîn, îro li bajarê Hesekê berxwedanek dîrokî tê meşandin, îro bajarê Hesekê bûye mewziya her çar parçeyên Kurdistanê.
Ji bo vê yekê ji bo banga seferberiya giştî, em wek ciwanên bajarê Hesekê, keç û xortên Hesekê, em tabûrekê bi navê Şehîd Berxwedan îlan dikin. Ji bo vê yekê hemû ciwanên taxên Muftî û Salihiyê, em li vir kom bûne, rahêjin çekan û di mewziyan de parastina xwe û bajarê xwe bikin. Em dibêjin kes nikare derbasî bajarê Hesekê bibe, ev mewziya her çar parçeyên Kurdistanê ye, heya dilopek xwîn di laşê me de hebe kes nikare vê xakê dagir bike. Em ciwanên Kurd in, me nas bikin, em YPJ û YPGˊê ne, her bijî YPG û YPJˊê.
Her bijî berxwedana Hesekê, berxwedana gelê her çar parçeyên Kurdistanê ku îro sînor şikandine û derbasî Rojavayê Kurdistanê bûne. Em pitşevaniya we silav dikin, berxwedana li Ewropa ya ji bo Rojavayê Kurdistanê ku çend roj e xew nekiriye, li ser pêyan e silav dikin.
Em Hesekê bernadin, Hesekê cihê şêran, lehengan e.”
