Pêşnûmeya ku Trump mecbûrî dike ku beriya gavên leşkerî yên li hemberî Îranê destûrê ji Kongreyê werbigire, li Senatoyê nehate qebûlkirin.
Dengdanê fikarên demokratan ên li ser rîska ku ev şer wê Dewletên Yekbûyî yên Emerîkayê (DYE) bixe nava şerekî demdirêj, ji nedîtî ve hat.
Pêşnûmeya ku ji aliyê Senatorê Demokrat ê Virginiayê Tim Kaine ve hate pêşkêşkirin û li ser erkê şer bû, li Senatoyê li hemberî 47 dengên dijber bi 53 dengan hate redkirin. Hate ragihandin ku dengdan bi giranî li ser xeta partiyan hate kirin.
Pêşnûmeyê dixwest, DYE operasyonên hewayî û deryayî yên li hemberî Îranê bi dawî bike û Trump mecbûrî bike ku beriya careke din gava leşkerî biavêje serî li Kongreyê bide.
Senatorê Demokrat Chris Murphy beriya dengdanê axivî û diyar kir ku ji bo Trump şaşiyên ku serokên berê yên DYE’yê li Efganistan, Lîbya û welatên din kir li Îranê dubare neke, biryar pêwîstî ye.
