Şeva bihurî çend bi droneyan êrişî li ser bajarê Hewlêrê hat kirin. Di encama êrişan de karmendekî asayîşa balafirgeha Hewlêrê jiyana xwe ji dest da û 3 karmendên din jî birîndar bûn.
Waliyê Hewlêrê Umêd Xoşnaw têkildarî êrişên bi droneyan ku şeva bihurî li ser Hewlêrê pêkhatin, ragihand şeva bihurî 9 caran bi dironan êrişî ser Hewlêrê hat kirin. Piraniya wan ji aliyê sîstema parastina asîmanî ya hêzên hevpeyman ve hatin têkşikandin.
Umêd Xoşnaw eşkere kir ku yek ji dironên ji hewade hat têkbirin, li cihekî balafirgeha Hewlê ket xwarê. Di encama ketina dironê de karmendekî asayîşa balafirgehê yê bi navê Welat Tahir ku bavê du zarokan bû, jiyana xwe ji dest da. Her wiha 3 karmendên din yên asayîşê jî birîndar bûn.
Sîstema parastina hewayî ya Bexdayê li baregeha Victoria ku dikeve nêzîkî balafirgeha navneteweyî ya Bexdayê, du dronên ku hewl didan baregehê hedef bigirin, xistin xwarê.
Li gorî nûçeya Rojnewsê, serê sibehê bi du droneyan êrişî baregeha Victoria ya dikeve nêzîkî balafirgeha navneteweyî ya Bexdayê hate kirin ku şêwirmendên Koalîsyonê lê ne.
Li gorî agahiyan êriş ji aliyê sîstema parastina hewayî ya Bexdayê ve hatiye astengkirin û dron hatine xistin.
Di hemwextê êrişê de, li aliyekê hewlên ji bo xurtkirina tedbîrên ewlehiyê li baregeh û saziyên sereke yên li paytextê berdewam dikin, lê êrişên bi dronan jî berdewamin.
