Li Stenbolê bi pêşengiya Platforma Jinan a 8’ê Adarê li Peykera Bogayê ya Kadikoyê bi hezaran jin ber bi Îskeleya Kadikoyê ve dimeşin. Jin bi berzkirina dirûşmeyan û çepikan ber bi qada mitîngê ve dimeşin.
Gelek jin bi cil û bergên xwe yên gelêrî tevlî meşê bûn. Hevseroka Giştî ya DEM Partiyê Tulay Hatîmogûllari jî di meşê de amade ye.
Di meşa ku coş lê serwer e de, jin gelek caran govend gerandin. Pankartên bi nivîsên “Em jin li dijî xizanî, şîdet, mêtingerî û şer di serhildanê de ne – Jin jiyan azadî”, “Ji kezîkên min alekê çêbikin”, “Dema dengê me bibin yek, têkoşîn dest pê dike” û “Em jiyaneke azad û wekhev dihûnin” hatin hildan.
Jinan her wiha di meşê de wêneyên jinên têkoşer Sakîne Cansiz, Leyla Şaylemez û Fidan Dogan ên ku di 9’ê Çileya 2013’yan de li paytexta Fransayê Parîsê hatibûn qetilkirin hilgirtin.
Di tevahiya meşê de dirûşmên weke “Jin, jiyan, azadî”, “Bijî 8’ê Adarê, bijî têkoşîna me ya rêxistinî”, “Em jin in, ne malbat in, jin di serhildanê de ne” û “Bijî hevgirtina jinê” hatin berzkirin.
Dema ku jin gihîştin Kadikoyê Qada Îskeleyê tije bû. Li qada ku her ku diçe coş lê xurt dibe, jin govend digerînin.
