Sibe (9 Adar) 37`emîn salvegera koça dawî ya Hunermendê Kurd Mihemed Şêxo ye, Tevgera Çand û Hunera Demokratîk a Mezepotamya (TEV-ÇAND) ji bo bibîranê li ber Navenda Çand û Huner a Mihemed Şêxo ya li bajarê Qamişloyê stranên wî gotin û mûm vêxistin.
Dê sibe di saet 12:00`an de Yekitiya Hunermendên Cizîrê û Navneda Çand û Hunerê ya Mihemed Şêxo li heman navendê merasîmeke bibîranînê jî li dar bixe, di heman demê de wê şêniyên bajarê Qamişlo, dost û hevalên Hunermend Mihemed Şêxo, rewşenbîr û nivîskarên li herêmê serdana gora wî ya li goristana Hilêliyê bikin.
Hunermend Mihemed Şêxo sala 1948`an li gundê Xecokê yê girêdayî bajarê Qamişlo ji dayîk bûye, di nava civaka Kurdî de li Kurdistanê bi hunera xwe ya ku rê li ber înkarkirina çanda gelê Kurd girtiye, tê naskirin. Wî di 9`ê Adara 1989`an de li Qamişloyê jiyana xwe ji dest da.
