Piştî ku rêya navnetewî (M4) ya li gundewarê bajarê Hesekê, nêzî gundê El Tewîla rojavayî bajarê Til Temire hate vekirin kêm jî bê tevgereke dest pê kiriye.
Nûçegihanê me ji rêya navnetewî ragihand ku tevger li ser rêya M4 kême, erebeyên taybet, kamyonên barhilgir û basên veguhestina rêwiyan, ji rêya navneteweyî derbas dibûn, ev yek nîşan dide ku trafîk li ser vê rêyê vegeriyaye.
Her wiha Welatiya bi navê Zehra Ehmed ji mera wiha got ku ew piştî serdana xizmên xwe yên li wir ji gundê Amiriyê hatiye teqez kir ku wê ti astengî li ser rê nedîtiye, spasiya rola Hêzên Ewlekariya Hundirîn kir.
Welatiyê bi navê Mihemed El Bekir yê ji gundê Dibsa yê bajarê Serêkaniyê ku berê wî li gundewarê Til Temir bû diyar kir ku tevger çêbûye û wan rastî ti astengiyan nehatin.
Hêjayî bi bîrxistinê ye ku duh, Hêzên Ewlekariya Hundirîn bi amadebûna Fermandên Hêzên Ewlekariya Hundirîn ên Hikûmeta Demkî ya Sûriyê û berpirsên ewlehiyê yên ji herêmên Cizîr û Helebê, di çarçoveya hevkariya vegerandina rê bo xizmetê û misogerkirina ewlehiya rêwiyan de, dest bi ji nû ve bicihkirina xalên kontrolê li ser rêya navneteweyî li nêzî gundê Tewîla li gundewarê rojavayê Til Timirê kirin.
