Komîserê Bilind ê Mafên Mirovan ê Neteweyên Yekbûyî (NY) Volker Turk, piştî serdana xwe ya li Meksîkayê, ragihand ku windahiyên bi darê zorê yên li welêt weke ‘birîneke vekirî’ hebûna xwe didomîne. Turk, anî ziman ku windahî bandorek giran li ser malbatan çêkiriye.
Li gorî daneyên fermî li Meksîkayê bêhtirî 130 hezar kes winda ne. Piraniya van windahiyan di nava 20 salên bihurî de ku tundiya bi kartelên tiryakê zêde bûne re rû dan.
Turk, banga xurtkirina lêpirsîn, parastin û tesbîtkirina nasnameyan li rayedaran kir û got ku çarçoveya qanûnî ya heyî ji bo lewaz dimîne.
Turk, ê di dema serdanê de bi Serokê dewletê Claudia Sheinbaum, rêxistinên mafên mirovan û malbatên windahiyan re hevdîtin kir, diyar kir ku hin malbat bi dehan sal in li windahiyên xwe digerin.
Li aliyê din hin malbatên windayan û nûnerên rêxistinên civakên sivîl, serdana Turk lewaz dîtin.
Pirsgirêka windahiyên li Meksîkayê piştî rapora pispor a Neteweyên Yekbûyî ku vê dawiyê hat weşandin û ji hêla hikûmetê ve hat rexne kirin, dîsa ket rojevê.
Li aliyê din Sheinbaum jî diyar kir ku bêyî dijberiya siyasî ji bo çareserkirina pirsgirêkê hewcedarî bi hewldaneke hevpar a asta neteweyî heye û bang kir ku qurbanî têxin navenda pêvajoyê.
