Platforma Saziyên Demokratîk a Erziromê serdana sersaxiya şervanê Yekîneyên Parastina Gel (YPG) Mazlum Dogan (Murat Denîz) ku di êrîşên çeteyên HTŞ-DAÎŞ’ê de 19’ê Çileyê li Dêrazorê şehîd bû û li navçeya Yakutiye ya Erziromê hatiye danîn, kir. Gelek kes beşdarî serdana sersaxiyê bûn. Piştî deqeyek rêzgirtina ji bo bîranîna şehîdên Azadiya Kurdistanê, hevserokê Partiya Herêmên Demokratîk (DBP) ê Erziromê Ramazan Karakaş axaftinek kir.
Karakaş diyar kir ku jiyanek bi şeref û bi rûmet bi saya kesên ku di têkoşîna azadiyê de jiyana xwe ji dest dane ye û got, “Ger em îro li vir bi zimanê xwe yê dayikê diaxivin, ger em bi şeref û bi rûmet li ser piyan in, em deyndarê şehîdên xwe ne. Di serî de şehîd Mazlum Dogan û hemû şehîdên Kurdistanê bi rêzdarî bi bîr tînim.”
Di serdanê de dirûşmeya “Şehîd namirin” hat berzkirin. Piştî ku xwendina duayan, girse ji mala sersaxiyê derket.
