Fermandariya Giştî ya Hêzên Ewlekariya Hundirîn a Parêzgeha Hesekê (Asayîş) der barê şehadeta endamekî xwe de daxuyaniyek weşand.
Di daxuyaniyê de hate gotin, “Hemûde Efrîn bi navê xwe yê rast Nîhad Ebdulezîz Şêxo dema erka xwe ya parastina gelê me û herêmên me bi cih dianî şehîd bû.
Şehîd Nîhad (Hemûde Efrîn) ji roja ku tev li hêzên me bû ve mînaka dilsozî û girêdana bi prensîban ve bû. Di tevahiya meşa xwe de bi disiplina leşkerî yê bilind û rihê mezin ê berpirsiyariyê hate naskirin. Bi dilsoziya xwe û girêdana xwe ya bi hêzên xwe re bû mînakeke taybet. Li hemberî gef û êrişên li ser ewlehî û aramiya herêmên me mînaka fedakariyê nîşan da.”
Fermandariyê di dawiya daxuyaniyê de sersaxî ji malbat û hevalên şehîd Hemûde re xwest û got: “Em soz didin gelê xwe ku em ê têkoşînê bidomînin. Em ê destkeftî û ewlehiya herêman ku bi keda şehîdên me yên leheng hatine bidestxistin, biparêzin.”
Nasnameya şehîd:
Nasnav: Hemûde Efrîn
Nav û paşnav: Nîhad Şêxo
Navê dayikê: Necwa
Navê bav: Ebdulezîz
Cih û dîroka şehadetê: Heleb-Taxa Şêxmeqsûd-8‘ê Çileya 2026‘an.
