Bûyerên piştî Banga Aştî û Civaka Demokratîk a Rêber Apo wê bêne şopandin.
Nûnerê MRAP’ê yê li NY’ê Gianfranco Fattorini anî ziman ku ji bo pêşveçûna pêvajoyê divê Rêber Apo azad bibe û bi aliyê din ê li dora maseya muzakereyê re di heman statuya wekhev de be. Fattorini got, “Ev yek wê bibe nîşaneya herî girîng a nêta baş a dewleta Tirk di pêvajoyê de.”
Muzisyen Vedat Yildirim diyar kir ku bi mezinbûna Pêvajoya Aştî û Civaka Demokratîk re wê azadî jî mezin bibe û bang li hunermendan kir ku piştgiriyê bidin pêvajoyê.
Alî Ûygûr ku du kek û xwişka wî ya mezin di têkoşîna azadiyê ya Kurd de şehîd bû, got “Em amade ne ku xwe li êşa xwe ragirin. Bila dewlet hesasiyetên me li ber çavan bigire. Bila malbatên polîs û leşkeran jî piştgiriyê bidin pêvajoyê, ji bo aştiyê hewl bidin.”
Alîkarê Hevserokên Giştî yên DEM Partiyê Mahfûz Guleryuz anî ziman ku di bêçekbûn û koordînekirina pêvajoyê de rola Rêber Apo girîng e û got, “Dem hatiye ku Birêz Ocalan karibe gotina xwe yekser bigihîne civakê.”
KCDK-E û TJK-E’yê spasiya bi deh hezaran kesî kirin ku beşdarî Festîvala Çanda Kurd a Navneteweyî ya 34’emîn bûn.
