Serokê Desteya Ragihandina Ewlehiyê ya Iraqê Seed Meen ragihand ku Herêma Kurdistanê û hikûmeta Iraqê li ser peymaneke leşkerî ya 17 xalî lihevkirine. Seed Meen diyar kir ku ev peyman encama civîneke bilind a ewlehiyê ye ku bi beşdariya Serokê Dezgeha Dije Terorê, Serokê Desteya Deriyên Sînorî ya Iraqê, Serokerkanê Pêşmerge û nûnerên saziyên ewlehiyê yên Hewlêr û Silêmaniyê hatibû lidarxistin.
Her wiha destnîşan kir ku di çarçoveya peymanê de li ser 17 xalan lihevkirine û got: “Peyman ji bo bihêzkirina ewlehiya deverên ku bala her du hikûmetên Herêma Kurdistanê û Iraqê li sere, her wiha ji bo zêdekirina hemahengiyê ji bo rêgirtina li qonaxkirina her valahiyeke cografî ji aliyê bermayiyên terorîstan û qaçaxçiyan ve hatiye pêkanîn.”
Meen da zanîn ku di peymanê de biryar hat girtin ku komîteyek bi serokatiya Serokê Desteya Deriyên Sînorî ya Iraqê bê avakirin, ji bo ku lêkolîneke giştî li ser deriyên sînorî yên Herêmê bê kirin û deriyên nefermî werin girtin.
Herî dawî Seed Meen destnîşan kir ku niha Iraq di herêmê de xwedî bandore û taybetmendiya hêzên Pêşmerge jî tê de hatiye parastin, lewma di peymanê de teqezî li ser bihêzkirina rola hêzên Pasewanên Sînor, bi piştevaniya hêzên Pêşmerge, bi taybetî li ser sînorê Iraq-Tirkiyeyê hatiye kirin.
