Li girtîgehan binpêkirinên mafên mirovan ên li hemberî girtiyên nexweş dewam dikin. Astengiyên li pêşiya dermankirinê, derengxistina veguhestina ji bo nexweşxaneyê û bernedana girtiyên bi nexweşiya giran li ser mafê jiyanê yê girtiyan gefek e. Rêvebera MED TUHAD-FED’ê Sebahat Bîçer li ser binpêkirina mafên mirovan ên li hemberî girtiyên nexweş ji ajansa me re axivî.
‘JI BILÎ NÎQAŞÊN LI SER PÊVAJOYA ÇARESERIYÊ DIVÊ BI LEZ GAV BÊ AVÊTIN’
Sebahat Bîçer destnîşan kir ku berdana girtiyên nexweş ji bazariya siyasî wêdetir mecbûriyeteke mirovî ye û got, “Belê pêvajoyeke çareseriyê hatiye destpêkirin ku zêdeyî du sal in axaftin li ser tê kirin. Lê belê heta niha li girtîgehan liv û tevgerek çênebûye. Ya rast, ji pêvajoyê cudatir divê girtiyên nexweş ên li girtîgehan tavilê bêne berdan. Ji aliyê mirovî ve divê ev bê kirin. Li girtîgehan girtiyên me yên nexweş hene ku di her kêliyê de dikarin bimirin. Girtiyên me hene ku di asta çaremîn de nexweşê kanserê ne. Girtiyên me yên nexweş hene nikarin bi tena serê xwe jiyana xwe dewam bikin. Lê belê mixabin têkildarî van heta niha çareseriyek nehatiye peydakirin. Malbat bi fikar in, rewşa hevalên me yên li girtîgehan her roj giran dibe.”
‘YÊN CEZAYÊ WAN QEDIYAN E JÎ DÎL RADIGIRIN Û GEFÊ LI WAN DIXWIN’
Sebahat Bîçer ragihand ku girtiyên rewşa wan giran e û cezayê wan qediyan e nayên berdan, îdareyên girtîgehan zextê li wan dike û got, “Mînak Onder Poyraz heye. Li ser kursiyê timî rûniştî ye, nikare tiştekî bike; ji xwe şuştinê heta bi pêwîstiyên bingehîn ên mirovî nikare ti ji wan bike. Hevalên wî alîkariyê pê re dikin, lê belê hîn jî ragirtî ye. Weke wî girtiyên bi nexweşiya giran hene ku 30 sal in girtî ne, divê bêne berdan, lê belê der barê wan tiştek nayê kirin. Li gel ku cezayê li wan hatiye birîn qediya ye nayên berdan.
Girtiyên me yên di asta çaremîn de bi nexweşiya kanserê ne ku di demên dawî de ne. Divê kêliyên xwe yên dawî li gel malbatên xwe derbas bikin, lê belê niha li girtîgehê girtî ne, dîlgirtî ne. Di pêvajoyê de hem ji bo wan hem jî ji bo hevalên ku înfaza wan hatiye betalkirin, tiştek nehatiye kirin. Bi temamî bi kiryarên kêfî yên îdareyê ragirtî dihêlin. Niha ji van re ev yek tê gotin: ‘Em ê heta dawiyê we li vir rabigirin, wê darbesta we derkeve’. Bi gefên bi vî rengî hevalên me dîl digirin.”
‘NÊZÎ 400 GIRTIYÊN NEXWEŞ HENE KU REWŞA 180 JI WAN GIRAN E’
Sebahat Bîçer têkildarî tabloya giştî ya li girtîgehan daneyên dawî eşkere kir û li gel nerazîbûna li hemberî xemsariya rayedaran anî ziman ku divê dewlet gaveke şênber biavêje. Sebahat Bîçer got, “Niha nêzî 400 girtiyên nexwşe hene ku rewşa 180 ji wan giran e. Yanî girtiyên di wê astê de nexweş in ku nikarin bi tena serê xwe jiyana xwe dewam bikin. Mixabin nayên bihîstin, nayên dîtin û gav têkildarî wan nayê avêtin. Ji pêvajoyê wêdetir ji aliyê mirovî ve divê gav bê avêtin.”
GIRTIYÊN NEXWEŞ ÊN DIVÊ BI LEZGÎNÎ WERIN BERDAN
Abdullah Ateş- Tîpa S a Îdirê – Ji sedî 90 ê mejiyê xwe nîne
Abdulmenaf Aytaç- Tîpa H a Erzîromê- Kansera Tîroîtê
Abdurrahim Demir- Tîpa F Edirneyê- Nexweşê giran ê dil
Ahmet Çelik- Tîpa T a Tarsûê- Felç, Parkinson
Ali Tetik- Hejmara 2 a Îzmîrê- Kanser
Botan Karsu- Van YGC- Kanser asta 4. (Rapora xwe ya nikare li girtîgehê bimîne, heye)
Bülent KOÇ- Tîpa T a Bûrhaniyeyê -Kanser
Cemil İvrendi- Tîpa S a Kirşehîrê- Nexweşê giran ê dil
Cengiz Sinan Halisçelik- Tîpa S a Samsûn Çarşamba- Kanser
Devrim Ayık- Tîpa S a Antalyayê – Rewşa xwe krîtîk e (Rapora nikare li girtîgehê bimîne heye)
Dılşad Şengül- Girtîgeha Jinê ya Bunyan – Ziyana li organên hundirîn
Dicle Bozan- Girtîgeha Jinê ya Bunyanê- Lingekî xwe hatiye jêkirin
Ekrem Baydoğan- Tîpa F a Kurkçuler a Edeneyê- Nexweşê MS
Emin Gurban- Ereğli YGC- Nexweşê dil, xisara li mejî
Emin Aladağ- Girtîgeha bi Ewlekariya Bilind a Hejmara 1’ê ya Xarpêtê- Felça beşekê
Emrah Nebioğlu- Tîpa R a Metrîsê– Rapora xwe ya ‘Ji sedî 94 astengdar e’ heye
Ergin Aktaş- Tîpa R a Metrîsê- Herdu destên wî nîne
Fatma Tokmak- Girtîgeha Jinê ya Bakirkoyê- Nexweşa dil (Rapora xwe ya ‘nikare li girtîgehê bimîne’ heye)
Gîyasettin Sevmiş- Girtîgeha Hejmara 2 a Dûmlû – Nexweşê dil, mejiyê xwe xitimiye
Gülazer Akın- Girtîgeha Jinê ya Bunyanê- Kansera malzarok
Habip Boğa- Hejmara 3 a Îzmîrê- Nexweşê Şîzofrenê
Hatice Çakmak- Girtîgeha Jinê ya Alanyayê- Kanser
Havva Ak- Girtîgeha Jinê ya Gebzeyê- Kanser
Hayati Deniz Kaytan- Girtîgeha Tîpa F a Bolûyê- Tumora mejî
İbrahim Oruç- Tîpa S a Antalyayê- Di tasa serî de platîn heye (Rapora xwe ya ‘nikare li girtîgehê bimîne’ heye)
İsmail Tamboga- Tîpa T Hejmara 2 a li Amedê- Kanser
Jiyan Erdinç- Girtîgeha Jinê ya Bakirkoyê- Astengdar
Leyla Baran- Girtîgeha Jinê ya li Amedê- Kanser
M. Emin Özen- Tîpa F a Kurkçuler a Edeneyê – Du lingên xwe hatiye jêkirin
M. Sait Yıldırım- Tîpa F Hejmara 1 a Îzmîrê- Nexweşê dil
M. Tahir Avcı- YGC Hejmara 1 a Sîncanê- Nexweşê dil, felç
Mehmet Salih Filiz- Girtîgeha Tîpa S a Bodrûmê- Kanser
Melek Akgün- Girtîgeha Jinê ya Bunyanê- Bi rapora, ji sedî 82 astengdar e
Naime Encü- Girtîgeha Bunyanê ya Kayseriyê- Tumora Çav
Önder Poyraz- Girtîgeha bi Hejmara 1 a R a Xarpêtê- Felç
Pınar Tikit- Girtîgeha Jinê ya Sîncanê- Tumora di mejî de
Reşit Uyar- Beşîkduzu ya Trabzonê- Kanser
Sabri Yavuz- Girtîgeha bi Ewlekariya Bilind a Hejmara 2 a Sîncanê- Kansera Prostat
Sami Çiftçi- Tîpa L a Gîresûın Espiye- Şîzofrenê giran
Sekvan Becerikli- Hejmara 2 a Îzmîrê – Felç û nexweşiyên din
Semire Direkçi- Girtîgeha Jinê ya Sîncanê – Kanser
Şefika Kandar- Girtîgeha Jinê ya li Amedê- Felça beşekê
Veysel Tıkaç- Tîpa Tokatê- Nexweşiya giran a dil
Yucel Kaya- YGC a Hejmara 1 a Sîncan a Enqereyê- Çavekî xwe winda kiriye
Hasip Şîmşek- YGC a Hejmara 1 a li Amedê- Nexweşê hepatît a giran
Abdullah Zoraslan- Girtîgeha bi Hejmara 1’ê ya Xarpêtê
Turgut Çelik- Bi nexweşiya dil û tansiyona bilind
Murat Duruk- Tîpa F a Hejmara 1 a Kocaeliyê- Kanser
Civan Boltan- YGC Bolû- Milê wî yê rastê ji enîşkê û ber bi jêrê bi 10 cm nîne. Li tasa serî 9 parçeyên şarapnelê yê 9 mm hene, dibe sedema xwejibîrkirinê. Çavê xwe yê çepê anbîne. Sendroma Raynaudê pê re heye. Li herdu çongên wî gelek parçeyên şarapnelê hene, çonga xwe timî diêşe û diwerime.
