Hevserokê Giştî yê Partiya Demokrasî û Wekheviyê ya Gelan (DEM Partî) Tûncer Bakirhan piştî civîna koma partiya xwe ya heftane bersiv da pirsên rojnamevanan.
Li ser pirsa têkildarî daxuyaniya lîderê MHP’ê Devlet Bahçelî ya ji bo berdana Selahattîn Demîrtaş, Hevserokê DEM Partiyê Bakirhan got, “Em spasiya Bahçelî dikin, rast gotiye. Di serî de Selahattîn Demîrtaş û Fîgen Yuksekdag, divê hemû hevalên me yên ji ber Doza Kûmpasê ya Kobanê têne darizandin tavilê bêne berdan.”
Ji bo pirsa ku ku divê komîsyona li meclîsê biçe Girava Îmraliyê jî Bakirhan ev bersiv da: “Ji bo çareseriya pirsgirêka sed salî divê komîsyon tavilê biçe Girava Îmraliyê û yekser bi muxatab re hevdîtinê bike. Divê komîsyona tavilê li Birêz Ocalan guhdarî bike.”
Têkildarî pirsa, “Gelo ev mijar bi Serokkomar Erdogan re hatiye axaftin an na?” Bakirhan got, “Heyeta me hevdîtin bi Serokkomar re kir. Di vê hevdîtinê de gelek sernav hatin nirxandin. Bi îhtimaleke mezin ev mijar jî ji Serokkkomar re ragihandine.”
Rojnamevanan li ser Hevşaredarê Bajarê Mezin ê Mêrdînê Ahmet Turk ê ku wezîfeya wî hate desteserkirin jî ji Bakirhan pirsîn.
Bakirhan got, “Li ser vegera Ahmet Turk li serokatiya şaredariyê vê gavê tiştekî tekezbûyî nîne.”
Bakirhan her wiha anî ziman ku ew dixwazin rojên pêş bi Devlet Bahçelî re hevdîtinê bikin.
