Îro bi sedan kesayet, nivîskar, rojnamevan, siyasetmedar û kesayetên ji pîşeyên cuda yên Başûrê Kurdistanê bi daxuyaniyekê banga qedexeya xebitin, girtina ofîsên kanalên El Cezîre, Hadath, Al Arabiya, Al Sharqiya û hemû kanalên şerê taybet yên dewleta Tirk li Herêma Kurdistanê kirin. Di daxuyaniyê de hate destnîşankirin ku ev daxwaza wan li ser wê yekê ku ev kanalane dijayetiya berxwedana Rojava û gelê Kurd dikin, her wisa piştgiriya çeteyên hikûmeta demkî û çeteyên dewleta Tirk yên ku îro li ser Kurdên Rojavayê Kurdistanê komkujiyan pêk tînin, dikin.
Her wiha di daxuyaniyê de hate gotin ku ev kanalên erebî polîtîkayên nijadperest dimeşînin û partiyên cîhadîst yên ereb teşwîq dikin ku Kurdan qir bikin, ji ber piştgiriya xwe ya ji bo sûc û jenosîda li dijî Kurdan, nefreta xwe ya kûr a ji gelê Kurd re, prensîba bêalîbûnê winda kirine.
Daxwaznameya vekirî ya îmzeya 387 kesayet, nivîskar, rojnamevan, siyasetmedar û kesayetên ji pîşeyên cuda yên Başûrê Kurdistanê di bin de ye, ji Serokatiya Herêma Kurdistanê, Hikûmeta Herêma Kurdistanê, Wezareta Çandê ya Herêma Kurdistanê, Wezareta Guhestin û Gihandinê ya Hikûmeta Herêma Kurdistan û Hikûmeta Iraqê, Saziyên Ragihandinê yên Kurdî, Raya Navxweyî û Raya Giştî ya cîhanê re ye.
