Mîtînga ku wê bi pêşengiya DÎSK, KESK, TMMOB û TTB’ê bê lidarxistin, wê bi dirûşma ‘Ji bo kd, aştî, demokrasî û edaletê em ê bi ser bikevin’ pêk were.
Beriya mîtîngê sibeha 1’ê Gulanê saet di 08:00 de komek bi pêşengiya DÎSK’ê wê çelengekê dîne pêşiya Bîrdariya Komarê ya Taksîmê. Seroka Giştî ya DÎSK’ê Arzû Çerkezoglû û rêveberên sendîkayê jî wê tevlî merasîmê bibin.
Girseya gel wê ji du baskan ve bi kortejê bikevin qada mîtîngê ya li Kadikoyê. Saeta kombûnê jî wê saet 10:00 be.
– Korteja DÎSK’ê li ber Nexweşxaneya Nimûne ya Haydarpaşa,
– Korteja KESK’ê jî li nuqteya Sogutluçeşmeyê wê kom bibe.
Beşdarên ku ji van du nuqteyan tevlî bibin wê ber bi Qada Rihtimê ya Kadikoyê ve bimeşin.
Li qada mîtîngê wê daxuyaniyên hevpar ên DÎSK, KESK, TMMOB û TTB’ê bi Kurdî û Tirkî bêne xwendin. Piştre wê nûnerên ciwan, jin, teqawîtan û karkeran biaxivin.
Di beşa muzîkê ya mîtîngê de jî wê Koroya Dostan a Rûhî Sû û Koma Mûnzûr derkevin ser dikê.
Çalakî wê saet di 15:30’î de bi dawî bibe.
