Navenda Ragihandinê ya Hêzên Meclîsa Leşkerî ya Minbicê bîlançoya êrîşên 24 saetan bi daxuyaniyekê parve kir.
Di daxuyaniya Hêzên Meclîsa Leşkerî ya Minbicê de wiha hate gotin: “Dewleta Tirk a dagirker û çeteyên wê, êrîşên xwe yên li dijî Herêmên Bakur û Rojhilatê Sûriyeyê, hedefgirtina binesaziya xizmetguzariyê, gund û bajaran didomînin.
Dewleta Tirk bi balafirên şer, yên bêmirov êrîş herêmê kir û di encamê de bi dehan kes şehîd bû û birîndar bûn. Heta bi niha 13 gundên bakur, rojava û bakurê rojhilatê bajêr bi moşekan 8 caran hatine topbarankirin, bi balafirên bêmirov 4 caran û balafirên xwekuj 3 caran hatine bombebarankirin.
Di topbarana li dijî gundê El Buniye yê rojhilatê Minbicê de xaniyekî şêniyan bi temamî wêran bûye, zaroka bi navê Fereh El Berho (11) şehîd bûye û Ebdurehman Berho (13) û Semîr Berho (8) birîndar bûne.
Hêzên me 2 dronên xwekuj ên artêşa Tirk a dagirker xistine.”
