Serokê UAEA’yê Rafeel Grossi ji Fox Newsê re axivî û got, “Koma destpêkê ya çavdêran vegeriya Îranê û li ber jinûve destpêkirina çavdêriya xwe ne.”
Îranê ji êrîşên Îsraîl û DYE’yê yên li ser navendên wê yên nukleerê yên meha Hezîranê UAEA berpirsyar nîşan dabû û destpêka meha Tîrmehê hevkariya bi saziyê re bi rengekî fermî rawestandibû. Di vê pêvajoyê de çavdêr vekişiyabûn Viyanayê.
Grossi diyar kir ku Îran endamê Peymana Pêşîgirtina li Belavbûna Çekên Nukleerê (NPT) ye, lewma kontrolkirin mecbûrî ye. Serokê UAEA’yê got, “Heta ku em ne li cih bin, danûstandineke cidî nikare bê meşandin.”
Ev yek di demeke welê de pêk hat ku li Cenevreyê di navbera Ewropiyan û Îranê de danûstandinên nukleerê ji nû ve destpê kirine.
