Piştî axaftina Fermandarê Giştî yê Hêzên Sûriyeya Demokratîk (QSD) wesîqeya şehadetê ya Fermandar û pêşengê Şoreşa Rojava Nûreddîn Sofî ji aliyê endamê Meclisa Malbatên Şehîdan Revîn Şêxmûs ve hate xwendin.
Wesîqeya şehadetê ya Fermandar Nûreddîn Sofî radestî malbata wî hate kirin, dûvre birayê şehîd Nûreddîn Sofî, Ebdullah Sofî axivî û bixêrhatina beşdarên merasîmê kir û got, “Şehîd namirîn.”
Fermandar Nûredîn Sofî bi merasîmeke leşkerî ya Yekîneyên Parastina Gel (YPG), Yekîneyên Parastina Jin (YPJ) û Hêzên Sûriyeya Demokratîk (QSD) hate oxirkirin
Cenazeyê Fermandar û pêşengê Şoreşa Rojava Nûreddîn Sofî bi tilîlî û dirûşmeya “Şehîd Namirin” ji qada merasîmê (Stada Şehîdên 12`ê Adarê) hate derxistin û li ser milan bi meşê ber bi Pekrewangeha Delîl Sarûxan ve hate birin.
Bi deh hezaran pêkhateyên Bakur û Rojhilatê Sûriyeyê, rûspî, rewşenbîr, serokeşîr, nûnerên ji Rêveberiya Xweser û fermandarên Hêzên Sûriyeyea Demokratîk (QSD) bi cenazeyê Fermandar Nûreddîn Sofî re meşiyan li Pekrewangeha Şehîd Delîl Sarûxan û cenazeyê bi dirûşmeya “Şehîd Namirin” veşartin.
Merasîm bi berzkirina dirûşma “Şehîd Namirin” bi dawî bû.
